Lòt Koze

Nan kad preparasyon pou doub konfwontasyon yo kont Cruz Azul nan Concacaf Champions Cup la, Real Hope Football Academy jwe yon match amikal jodi a kont AFCC nan pak Saint Jean-Baptiste. Yon viktwa (4-2) ki mete ekip kapwa a sou bon chimen pou kòmanse ane a.

Real Hope Football Academy kontinye travay di pandan preparasyon li pou premye faz Concacaf Champions Cup la kont ekip meksiken an, Cruz Azul, ki fikse pou 4 ak 11 fevriye 2025 k ap vini la. Jodi samdi a, ekip la te fè premye match amikal li pou ane a kont AFCC ki sòti nan vil Caracol. Yon match ki te fèt nan Pak Saint Jean Baptiste, nan komin Twoudinò.

Match la te fini ak yon viktwa (4-2) pou rhinocéros yo, ki te montre anpil karaktè. Malgre ekip la Caracol la te mennen de (2) fwa pandan match la, jwè yo te reyaji fò pou retounen nan jwèt la. Bitè Real Hope ki te fè diferans lan se: Leazard Wirtz, Bernard St Elys, Valens Oxima ak Fenelon Marckenson.

Ak viktwa sa a, Real Hope ap monte konfyans li avan gwo defi yo kont Cruz Azul nan mwa fevriye a. Ekip kapwa a montre li detèmine pou fè yon bon figi sou sèn entènasyonal la.

KÒMANTÈ

Denye atik yo