Lòt

Mèkredi a, Real Madrid ranpòte Koup entèkontinantal la 3-0. Avèk FIFA kòm oganizatè, Vinicius ki te fè yon jès ki gen anpil klas pou sèvi Kylian Mbappé, fini meyè jwè konpetisyon an.

Avèk tit sa, Mbappé genyen dezyèm twofe l sou koulè Merengue yo aprè l te fin pran Sipèkoup ewòp la. Gras ak gòl li fè yè a, ansyen jwè PSG a fè dezyèm gòl li nan 2 final il jwe ak klèb Madrid la. Konsa tou li vin sèl jwè ki fè gòl nan 4 konpetisyon li jwe pandan sezon an.

Apre rankont lan, entènasyonal fransè a pale pou montre anbisyon li pou rès sezon an.

"Sak pi enpòtan, se tit yo. Gòl yo ede ranpòte tit yo. Nou genyen yon tit enpòtan. Sou 7 posib, nou genyen 2 premye yo. Nou gen sipèkoup Espay la pou n genyen lè n sot nan vakans. Lòt yo enpòtan anpil tou men nou dwe pwofite ak 2 sa n genyen pou kounya. Fòk nou rete grangou men m fason an pou n ale chache senk lòt yo", deklarasyon ansyen parizyen an pou Real Madrid TV.

KÒMANTÈ

Dènye atik yo