Lòt

Nan kad 6èm jounen Lig Chanpyon an, Real Madrid ap deplase al sou tèren Atalanta demen madi a kote yo pral chèche wè nan ki fason yo te ka sòti tèt yo nan sitiyasyon yo twouve yo nan klasman an. Nan dènye sòti yo nan konpetisyon an, yo te pèdi (2-0) anfas Liverpool, sa ki te degrenngole yo nan 24èm plas klasman an avèk 6 grenn pwen. Real Madrid deja jwe senk (5) match sezon sa nan konpetisyon an kote yo bat de (2) fwa epi pèdi twa (3) fwa. Demen madi an yo pral chèche yon twazyèm viktwa ki p ap fasil paske ekip Atalanta a ap jwe byen nan moman sa.

Carlo Ancelotti te mete yon lis 22 jwè deyò pou match sa kote l anrejistre retou Vinicius Junior ak Rodrygo, e menm rive rele twa jenn jwè nan Castilla a ki se Chema, Youssef Enrique ak David Jiménez pou al jwe premye match Lig chanpyon yo.

Men lis jwè yo an detay :

Gadyen : Courtois, Lunin, Sergio Mestre

Defansè : Lucas Vázquez, Vallejo, Fran García, Rüdiger, Youssef, Asencio, Jiménez

Mitan tèren: Bellingham, Valverde, Modric, Tchouameni, Arda Güler, Ceballos, Chema

Atakan : Vinicius, Mbappé, Rodrygo, Endrick, Brahim Diaz

Jwè ki ekate pou match sa se :

Blesi : Carvajal, Militao, Alaba, Camavinga, Mendy

KÒMANTÈ

Dènye atik yo