Ligue 1

Jona100 ! Ayè vandredi a, kont Brest yo bat 3-1 nan match ouvèti 14èm jounen Ligue 1 an, Jonathan David (24 lane, 14 match ak 11 gòl nan Ligue 1 sezon sezon sa), make 100èm ak 101èm gòl li nan tout konpetisyon yo avèk klèb Lille OSC a.

Eksplwa sa pèmèt li kontinye bèl sezon l ap fè a. Gras ak 2 gòl yo, li pase devan Bradley Barcola nan klasman meyè bitè chanpyona frans lan ak 11 gòl.

Pou montre kontantman l, li pale pou l di :

"Sa fè m plezi, se yon bèl istwa. Mwen kontan paske m make 100èm gòl epi 101èm lan tou ! N ap kontinye, sezon an long toujou. M espere make anpil gòl toujou pou ede ekip mwen genyen". Youn nan kesyon yo te poze l nan mikwo DAZN se te, "David Prime" ? Sa vle di, yon rekonpans anplis sa l ap touche pou sa l ap fè nan klèb la. Li te reponn: "Non, mwen pa panse ak sa. Mwen repon prezan chak match, se sa sèlman. Pou kounya, antouka. M eseye abòde chak match tankou se te dènye a, yon fason pou m pa gen regrè. "

Apre l te fin pran 3èm plas la kòm pi bon bitè nan listwa klèb la. Jonathan ap kouri dèyè dezyèm lan, André Strappe ak 134 gòl li yo. Èske Kanadyen an ap rive fè sa avan l kite kite klèb la ? Oubyen l ap fini karyè l nan klèb la ak objektif pou li kraze rekò sa yo? Tan ap gen pou l reponn kesyon sa yo.

KÒMANTÈ

Dènye atik yo