Ligue 1

Aprè plizyè mwa pawòl anpil, Kylian Mbappé anonse ofisyèlman jodi vandredi an l ap kite Paris Saint-Germain aprè 7 sezon nan klèb kapital fransè a.

Nan yon mesaj videyo, kapitèn seleksyon Lafrans lan remèsye tout moun ki te sipòte l pandan sezon sa yo li pase nan klèb la ki ede l grandi kòm jwè foutbòl ak kòm moun, epi ki te sipòte l nan moman glwa yo ak padone l pou erè l yo.

Atakan fransè 25 lane an ki pa anonse pwochen destinasyon li an fè konnen dimanch k ap vini la se ap dènye match li nan Parc des Princes lan kote Paris Saint-Germain ap resevwa Toulouse FC.

Sòti 2017 pou rive 2024, Kylian Mbappé make listwa klèb parizyen an kote l fèmen avanti sa kòm meyè bitè klèb lan avèk 255 gòl nan 306 match epi bay 108 desizif.

Sou plan kolektif, Kylian Mbappé ranpòte Ligue 1 an 6 fwa, li genyen 3 trophée des champions, 3 coupe de France, 2 coupe de la ligue. Sèl pwen nwa pasaj nimewo 7 parizyen an pandan pasaj li nan klèb kapital la se Lig Dè Chanpyon an li pa janm ranpòte.

KÒMANTÈ

Dènye atik yo