Ligue 1

Yon lòt fwa ankò, Kylian Mbappé montre li pa gen okenn respè pou Paris Saint-Germain kòm enstitisyon. Atakan fransè an te ale tou dwat nan vesyè a aprè chanjman li an nan match fas Marseille lan.

Alòske Ligue 1 an t ap akeyi klasik li an jodi dimanch lan nan Orange Vélodrome lan, Luis Enrique te retire Kylian Mbappé nan 65èm minit pou te kapab mete Gonçalo Ramos. Yon desizyon atakan fransè an pa t apresye, ki te pito rantre tou dwat nan vesyè an.

Kèk semèn aprè reyaksyon Kylian Mbappé ki te monte nan tribin Parc des Princes lan pou te al jwenn manman l anvan match fini an, jodi a li repwodui prèske menm bagay la. Sa ki kòmanse fè anpil pale nan kapital fransè an kote Luis Enrique te oblije reponn nan konferans aprè match.

« Se menm mizik la, chak semèn, sa fatigan. Se mwen ki antrenè an, mwen pran desizyon yo chak jou e m ap kontinye fè sa jiska dènye jou m Paris. Mwen toujou eseye jwenn pi bon solisyon an pou ekip lan », deklarasyon antrenè espanyòl la nan konferans aprè match la.

N ap raple, Paris Saint-Germain genyen klasik sa 2-0 malgre yon katon wouj nan premye mitan match la gras ak Vitinha nan 53èm minit epi Gonçalo Ramos nan 85èm minit. Kylian Mbappé ki toujou pa renouvle kontra l ak klèb parizyen an, parèt ap kite klèb lan aprè fen sezon an.

KÒMANTÈ

Dènye atik yo