Ligue 1

Atakan brezilyen Paris Saint-Germain an, Neymar Jr, fikse objektif li pou sezon 2023/2024 la kote l swete make plis pase 30 gòl, bay 20 pas desizif epi ranpòte 4 twofe.

Nan yon videyo k ap sikile sou tout rezo sosyal yo, Neymar Jr ki sou lis jwè ki ta sipoze kite Paris Saint-Germain nan mèkato an, anonse objektif li pou sezon 2023-2024 la.

« Mwen pral make 30 gòl, bay pou pi piti 20 pas desizif, epi genyen 4 twofe", prediksyon atakan brezilyen an, Neymar Jr pou sezon sa sou koulè klèb parizyen an.

Neymar Jr ki toujou poko konnen tout bon vre kote l ap jwe sezon sa ki pral demare la, fè fanatik li yo gwo pwomès avèk plis pase 30 gòl li konte make, ajoute ak yon latriye tit li swete ranpòte.

N ap raple, depi lè atakan brezilyen an rive nan ekip PSG an, ane 2017, li pa sispann fè fas ak gwo blese ki souvan fòse l pase yon bon pati nan sezon yo deyò tèren.

KÒMANTÈ

Dènye atik yo