Ligue 1

Nan okazyon twazyèm jounen Ligue 1 an, Paris Saint-Germain fè yon bèl viktwa (3-1) avèk yon double pou Kylian Mbappé.

Aprè de match nil nan de premye jounen yo nan chanpyona fransè an, ekip Luis Enrique an anrejistre premye viktwa l pou sezon an nan Ligue 1 an.

Kylian Mbappé ki te nan gwo bouch louvri avèk direksyon PSG an pou yon kesyon pwolongasyon kontra, enskri yon double jodi samdi an ki pèmèt parizyen yo genyen RC Lens 3-1.

Aprè Marco Asensio ki te ouvri eskò a nan fen premye mitan an (45’), kapitèn seleksyon Lafrans lan ta pral enskri yon double (52’,90’) pou te pèmèt parizyen yo pliye match la. Grenn gòl RC Lens lan ta pral vini kèk minit aprè, nan tan adisyonèl (90+5’).

Annatandan rès match yo pou twazyèm jounen Ligue 1 an fin jwe, Paris Saint-Germain twouve l nan katriyèm plas klasman an aprè twa match.

KÒMANTÈ

Dènye atik yo