Lòt Koze

Seleksyon peyi Lafrans lan genyen randevou pou de match zanmitay pandan trèv entenasyonal la, 23 mas kont Almay ak 26 mas kont chili, Antoine Griezmann ki jwe 84 fwa youn kole ak lòt pral rate premye match li depi lane 2017 akòz li blese nan cheviy.

Seleksyon peyi Lafrans lan ak Griezmann se yon Evènman, yon pyès ki pa janm pa la depi lane 2017, Griezmann te deja rive Clairefontaine lendi 17 mas la nan kad rasanbleman ekip Lafrans lan, Nimewo 7 ekip la ki se dezyèm kapitèn te oblije deklare fòfè pou de match ekip la pral jwe yo, daprè enfòmasyon RMC Sport an mezi pou konfime.

Nan moman antrenè ekip la te prezante douvan laprès Jodi ledi a, li te deklare « gen verifikasyon ki t ap fèt » e li kite konfimasyon an pou demen madi, y ap fè anpil pridans ak Griezmann.

« lè nou konenn kapasite Griezmann nan pòs sa, jwenn yon ranplasan pou li enposib» li ap kite yon gwo vid nan vestyè ak nan animasyon taktik ekip la.

Dènye fwa Antoine Griezmann pa t prezan sou tèren ak seleksyon peyi Lafrans se te nan viktwa 3-4 nan dat 13 jen 2017 se te yon match zanmitay kont Angletè li te rete sou ban.

KÒMANTÈ

Dènye atik yo