Serie A

Inter Milan te deplase mèkredi 30 oktòb la pou afwonte ekip Empoli a nan okazyon 10èm jounen chanpyona Itali a, Inter sòti ak yon viktwa 3-0, li rive kraze mi ki nan defans ekip Roberto Aversa ap dirije a, yon ekip Empoli ki patko janm pran yon gòl lakay li pandan sezon an te tann barikad li nan defans li pou jere grenn pwen l, yon rèv ki brize akòz gen yon pasaje ki te kite bis la anvan lè se Saba Goglichidzeki te pran yon katon wouj nan 30èm minit aprè yon fot li te fè sou Marcus Thuram.

Aprè yon premye peryòd ki fini 0-0 twoup Simone Izaghi ap dirije a te louvri eskò a nan 50èm minit ak Davide Frattesi ki te mete yon chout ki ta pral devye epi rantre nan gòl. Davide Franttesi te pwofite de yon bèl pas ki pote siyati Lautaro Martinez pou fè 2-0 a se te nan 67èm minit. Lautaro Martinez te fè 3èm gòl la nan 77èm minit yon gòl ki mete Lautaro kòm meyè bitè etranje ekip inter a ak 134 gòl, viktwa sa pèmèt Inter Milan konsève dezyèm plas la ak 21 pwen.

KÒMANTÈ

Dènye atik yo