Serie A

Nan okazyon 10èm jounen chanpyona Itali an Antonio Conté ak ekip Napoli a te deplase pou afwonte ekip Milan AC a nan estad San Siro madi 29 oktòb la, Napoli bat 2-0 .

Pou konfime bèl pèfòmans li nan sezon an ekip Napoli a pa t pran anpil tan pou reyaji nan match chòk sa, aprè sèlman 5 minit nan jwèt la, Zambo Anguissa te fè yon pas pou Romelu Lukaku, atakan bèlj la te bay Pavlovic yon kout kò tankou se lè yon gwo kamyon frape yon ti machin, defansè kowat la tonbe, Lukaku ki te deja ap kontwole boul la mete chout la pou ouvè eskò a.

Malge ekip Paulo Fonseca ap dirije a te pran gòl jwè yo pa t febli sitou ak Chukwueze ki t ap touche anpil boul, milanè yo te pase boul men ekip Napoli a t ap veye pou opere an kontatak, nan 43èm minit, Olivera te sèvi jòjyen an Kvaratskhelia, ki kontwole epi rantre pou chèche ang lan pou mete yon bèl chout deyò sifas la e fè 2-0 nan avantaj Napoli.

Aprè poz la Alvaro Morata te tante redwi mak la pou Milan AC men Var te retire gòl la. Viktwa sa mete ekip Napoli a nan tèt klasman an ak 28 pwen, milan nan 8èm plas la ak 14 pwen,Yon defèt ki kapab gen gwo konesans sou lavni Paulo Fonseca nan tèt ekip Milan an.

KÒMANTÈ

Dènye atik yo