Serie A

Dimanch 25 fevriye 2024 la Juventus te resevwa ekip Frosinone a nan yon match ki konte pou 26èm jounen chanpyona Itali a, Juventus Turin bat 3-2, Vlahović fè de gòl li bay yon pas gòl.

Aprè 4 match san viktwa pou ekip Juventus Turin an, li fè yon viktwa nan tan adisyonèl sou ekip Frosinone a nan yon match ki te genyen anpil entansite, Dusan Vlahovic te louvri eskò a nan 3èm minit aprè Weston McKennie te ba l yon pas, 11 minit aprè ekip frosinone a te reyaji ak Walid Cheddira ki te mete match la 1-1, jwè Frosinone yo te menm rive pran avantaj eskò a nan 27èm minit aprè Marco Brescianini te fè gòl 2-1.

Doulè te kòmanse pou Juventus Adrien Rabiot blese aprè li fin frape nan pye gòch ak konpatriyòt li Geilson Bremmer li te oblije kite teren an ,Carlos Alcaraz te ranplase l nan 29èm minit , nan moman difisil sa Juventus te konte sou Vlahovic pou te make 2èm gòli nan match la nan 32èm minit e mete eskò a plat anvan poz la.

Juventus te pouse pou fè 3èm gòl la, Vlahovic pa t pase lwen pou l te fè 3èm gòl nan 90èm minit, se Daniele Rugani ki bay ekip Juventus la viktwa nan 90+5 , nan 27èm Juventus an Juventus ap gen pou jwe ak ekip Napoli a .

KÒMANTÈ

Dènye atik yo