Serie A

Byen bonè dimanch 3 novanm lan, 11èm jounen chanpyona Itali a te kontinye chimen l, nan estad Diego Armando Maradona Napoli t ap resevwa ekip Atalanta a, sa ki mete yon bout ak yon seri 10 match san defèt pou ekip Conté ap dirije a.

Pou louvri eskò a De Ketelaere te devye boul la ak tèt li pou entènasyonal nijeryen an Ademola Lookman ki te tou mete chout pye gòch la se nan 10èm minit 1-0. Nan 31èm minit entènasyonal bèlj la De ketelaere te jwe pou Ademola Lookman yon dezyèm fwa Lookman kontwole boul la ,li leve tèt li avanse e mete yon bèl chout deyò sifas la gadyen Napoli a lonje tout longè l malgre l jwe boul la sa pa t anpeche 2-0 a fèt.

Malgre Antonio Conté te fè plizyè chanjman aprè poz la ekip Atalanta a pa t entimide, Gian Piero Gasperini te kontinye ak bon operasyon li t ap mennen depi nan premye peryòd la, nan 90+4 Maeto Retegui te fè 3èm gòl la. Se 7èm match Atalanta san defèt nan tout konpetisyon, se 4èm viktwa l youn kote ak lòt nan chanpyona a.

Aprè viktwa sa Napoli toujou nan tèt klasman an ak 25 pwen Atalanta pase nan dezyèm plas la ak 22 pwen pwovizwaman.

KÒMANTÈ

Dènye atik yo