Serie A

Claudio Ranieri te afwonte antrenè espayòl la, Cesc Fabregas, nan 16èm jounen chanpyona Itali a nan estad Giuseppe Sinigaglia. As Roma tonbe 2-0 nan tan adisyonèl. Entènasyonal ajanten an, Nico Paz, te fè gòl Pou ekip Como a.

Malgre ekip AS Roma te gen prezans anpil pyon enpòtan tankou Dybala, El Shaarawy, Manu Koné, sa pa t anpeche l tonbe. Cesc Fabregas te domine premye peryòd la avèk yon ekip Como ki te byen òganize l pandan ekip As Roma t ap byen jere do l.

Nan dezyèm peryòd la, Claudio Ranieri ak twoup li te rantre ak yon lòt motivasyon ki te pèmèt yo te pran kontwòl bou l la, yon dominasyon ki pa t pote fwi akoz 90 minit yo fini 0-0. Cesc Fabregas ki sanble te sere yon dènye kou pou Ranieri, te ouvè eskò a avèk Gabrielloni nan 90+3’. Nico pas ki ap fè non l nan chanpyona Itali a te bay dezyèm gòl la nan 90+7’.

Defèt sa mete Roma nan 12èm plas klasman an ak 16 pwen. Como nan 16èm plas a 15 pwen .

KÒMANTÈ

Dènye atik yo