Serie A

Dimanch dènye, match Inter Milan t ap jwe kont Fiorentina pou 14èm jounen série A, Edoardo Bove (22 lane, 11 match e 1 gòl nan Serie A pou sezon an), sanble jwe dènye match li pou sa ki gen pou wè ak match pwofesyonèl nan peyi Itali.

Pandan rankont lan, jèn milye Italyen an te gen yon pwoblèm arè kadyak. Yon malèz ki te koz dlo kouri nan je abit la, men m jan ak plizyè nan koyekipye l yo, tankou fanatik. Malgre enkyetid yo, sa pa t anpeche frè l nan klèb la antoure l pandan lòt yo t ap pote l sekou pou te anpeche sa pi grav.

Ebyen, selon sa laprès nan peyi Itali fè konnen, milye Fiorentina a aksepte pou yo mete yon defibrilatè kadyak nan li. E selon règleman chanpyona, li entèdi pou jwè ap jwe pandan l gen aparèy la nan kò l. Nan ka sa, jwè Roma te prete vyolè yo dwe al kontinye karyè l nan peyi etranje.

Ka ti jèn lan raple piblik la sitiyasyon Christian Eriksen nan lane 2021. Lè a, Danwa a te oblije kite Inter Milan apre yo te fin depoze yon defibrilatè nan li pou pwoblèm arè kadyak pandan ewo a. Li ta l rebondi nan Brentford nan peyi Angletè avan l te rejwenn Manchester United kote kontra l ap fini an jen.

KÒMANTÈ

Dènye atik yo