Serie A

Blese nan molè dwat pandan mwa septanm lan, Ismaël Bennacer konnen move moman akoz sa.

Daprè enfòmasyon Corriere dello sport, jwè 26 lane an ap reprann li ak anpil ankourajman. Avèk sa, jwè Milan an kapab tounen nan antrènman nan mitan desanm lan.

Malgre sa, klèb wouj e nwa pa vle riske e pran desizyon pou kite jwè geri nèt jis rive mwa janvye 2025.

Pandan moman sa, klèb Milan ki ap jere plizyè dosye yon sèl kou ap prepare l pou afwonte Juventus Turin samdi k ap 23 novanm lan. Ak yon match an mwens, Il Diavolo yo okipe 7èm plas la dèyè Bianconeri yo ki 6èm avan 13èm jounen an.

Avèk plis pase 200 match ofisyèl jwe ant 2 klèb sa yo, Juventus gen 23 viktwa anplis Milan: pou blan e nwa yo, se 93 viktwa kont 70 pou Milanè yo epi 78 match nil. Nan listwa 2 gran klèb Italyen sa yo, se yon final Lig dè chanpyon ki ret make gran piblik la nan lane 2002-2003. Lè sa, Rossoneri yo te enpoze yo sou Juve pou te pran tit kontinantal la.

KÒMANTÈ

Dènye atik yo