Serie A

Twa jou apre konfwontasyon nan 8èm final Koup itali a, Lazio Rome tounen bat ekip Napoli an ankò pou montre se pa t yon aza.

Nan Koup la, Napoli te tonbe (3-1) nan match ale a fas Women yo. Jodia, nan 15èm jounen Serie a, Biancocelesti yo pran avantaj la gras ak yon gòl Isaksen fè nan (79èm) minit pou te pèmèt ekip li mennen. Poutan, grenn zo sa rive kwoke nan gòje advèsè yo ki tonbe pou yon dezyèm fwa fas Lazio.

Konsekans ki genyen nan defèt la, Antonio Conte tou pèdi tèt klasman ak poulen li yo. Klèb ki vin okipe premye plas la se Atalanta Bergame ak 34 pwen, Napoli dezyèm ak 32 pwen. Lazio li menm nan 5èm plas la ak 31 pwen devan Juventus Turin ki 4 pwen an mwens yo.

Nan sezon an, Serie a pran yon lòt faz ak Atalanta ki ap enpoze nan lide pou leve tit la. Poudi l ap rive lè nou konnen Inter Milan kapab gate sa ? Sezon an long toujou pou reponn.

KÒMANTÈ

Dènye atik yo