Serie A

Aprè l fin tonbe 2-0 fas Napoli nan mitan semèn ki sot pase a , Milan AC jwenn chimen viktwa sou teren Monza, nan okazyon 11èm jounen chanpyona Itali a ki jwe samdi 2 novanm nan, match la fini 1-0.

Ekip Monza te soti pou l poze Milan kesyon nan premye peryòd la sitou ak Daniel Maldini ki se pitit Paulo Maldini yon jwè ekip Milan prete ak ekip Monza .Milan AC te tann 43èm minit pou fè inik gòl match la , aprè yon sant ki fèt sou bò dwat ekip Milan, Alvaro Morata te mete kout tèt la, boul ta te kontre nan do italyen Armando Izzo epi li al nan direksyon

Reijnders, olandè a te tou plonje pou mete kout tèt la 1-0.

Milan AC te ka chanje eskò a nan dezyèm peryòd la ak Leao epi Morata men yo pa t efikas devan kan an, Var te retire yon gòl pou Monza nan 8èm minit, viktwa sa mete Milan nan 7èm plas klasman an ak 17 pwen.

KÒMANTÈ

Dènye atik yo