Serie A

Entènasyonal nijeryen an ki apèn fin patisite nan twazyèm tit chanpyon Serie A ekip Naples la pa fin kontan ak direksyon klèb napoliten an.

Victor Osimhen pa kontan paske nouvo antrenè ekip la Rudy Garcia te retire l nan match kont Bologne lan nan 86èm minit jwèt la, sa ki pral mete plis dlo nan kafe li menm ak direksyon klèb Naples la se lè li pral wè yo pibliye videyo penal li rate nan match kont Bologne lan sou kont TikTok klèb la ak yon mizik ki ap trip sou li.

Sa ki pa fè jwè a kontan ditou. Ajan Osimhen lan Roberto Calenda deklare " Sa ki pase jodi a sou pwofil ofisyèl Naples sou rezo TikTok la, inakseptab. Yon videyo ki pibliye pou fawouche Victor epi ki siprimye byen ta".

Ajan jwè a menm fè konnen yo pral pouswiv direksyon klèb la devan lajistis.

KÒMANTÈ

Dènye atik yo