Serie A

Chak sezon gen kèk klèb ki konnen anpil move moman nan kesyon jwè kle ki pran blese. Se nan peripesi sa Juventus ye la.

Aprè te deja gen defansè santral yo a Bremer blese pou kèk tan, ekip Juventus la wè yon lòt jwè pran wout pou rejwenn brezilyen an. Li te touche nan pandan l nan antrènman ak seleksyon Kolonbi a ki t ap prepare yo pou match eliminatwa mondyal 2026 la, Juan Cabal gen pwoblèm nan ligaman kwaze enteryè jenou li.

Touswit apre l finn sibi chòk la, defansè 23 lane a ki deja jwe 9 match nan tout konpetisyon yo pou sezon an, pral oblije rate rès sezon an.

Nan yon kominike klèb vil Tiren an fè parèt, yo fè konnen "Juan Cabal fè egzamen ki fè nou wè li ap soufri ak yon dechiri nan ligaman kwaze enteryè jenou goch li". Yon move nouvèl pou "Vieille Dame" nan ki te deja ap lite san prezans Gleison Bremer pou men m rezon an.

KÒMANTÈ

Dènye atik yo