Serie B

Ekip Monza ki gen kòm dirijan Silvio Berlusconi ak Adriano Galliani, de ansyen patwon ekip Milan AC a te anonse yo siyen Mario Balotelli nan mwa Desanm pase a nan ekip la. Sinyati sa te mache ak anbisyon yo pou mennen Monza nan Serie A, yon ekip ki te ap jwe Serie C, 3zyèm divizyon nan Peyi Italie sezon pase a. Balotelli pa fè yo wont.

Jodi a nan match ki konte pou 35kyèm jounen Serie B a, sou tèren Salernitana ki 3zyèm nan klasman an, Balotelli soti sou ban an pou l ofri ekip Monza a yon viktwa 3-1 gras

ak yon double ke li fè. Christian Brocchi, antrenè Monza a te monte Balotelli nan match la nan 80tyèm minit kòm dènye kout kat ofansif nan gwo match sa ant twazyèm ak katriyèm nan chanpyona a. Balotelli bay Monza avantaj la 2-1 nan 81nyèm minit epi nan tan adisyonèl yo te make yon dezyèm gòl pou kuit kawòt yo.

Mario Balotelli te fè gran retou l aprè de semèn blese, yon retou ki vin rebay ekip Monza a espwa pou espere Monte nan Serie A a. Malgre viktwa sa ekip Monza a toujou rete 4triyèm nan klasman an men yo pase a twa pwen an mwens Lecce ki dezyèm, tandiske rete 3 match anvan chanpyona a fini.

De premye ekip yo ap monte nan Serie A epi 3zyèm a 8tyèm plas pral jwe baraj pou dènye biyè ki ap mennen nan Serie A a. Gade kijan sa ye nan klasman an nan lyen sa.

KÒMANTÈ

Dènye atik yo