Serie B

Entènasyonal Italyen an, Mario Balotelli ki gen ti non jwèt li "l'enfant terrible", make nan premye match li ak Monza AC nan Serie B Itali a.

Nan kòmansman Desanm sa GolAyiti te anonse sinyati Balotelli ki te re jwenn ansyen paran l yo (Berlusconi ak Galliani) ak kèk ansyen koyekipye l. Li tap tann ak enpasyans poul te kòmanse nouvo chapit sa nan karyè li. Ebyen sa rive fèt yè maten nan bèl viktwa 3-0 Monza fè sou Salernita.

Balotelli pat pran tan pou te fè konnen li la. 3 minit ak kèk segonn nan match la, apre yon sant rasòl Carlos Augusto fè sou kote goch ekip Monza, Mario Balotelli an bon atakan te twouve l poukòl nan dezyèm poto a pou pouse balon an nan filè pou 1-0 a. Stad la te eksploze ak lajwa pou wè yon Balotelli fè yon gòl depi prèske 1nan san l pa make. Dènye gòl li se te kont Lazio (ak Brecia) 5 Janvye pase a.

Balotelli te sòti nan 65e minit match la pandan Monza tap mennen 2-0. Gras ak viktwa sa sou Salernita ki premye nan klasman an, Monza pase an 3e pozisyon a twa pwen an mwens Salernita. Ekip Monza a kapab kreye sansasyon an poul monte nan Seri A, sa ki se objektif dirijan yo. De (2) premye ekip yo ap monte dirèk, twazyèm jiska 8tyèm nan pral jwe baraj pou dènye plas pou monte a.

Al gade klasman Serie B a sou GolAyiti : Serie B -> Statistik

KÒMANTÈ

Dènye atik yo