Serie B

Monza, ekip Serie B nan peyi Itali, Sylvio Berlusconi ak akolit li Adriano Galliano ap dirije a fè yon bon kou la kote yo siyen ansyen entènasyonal Italyen an Mario Balotelli gratis pou rès sezon an.

Transfè sa posib paske Balotelli pat sou okenn kontra depi mwa Jiyè a apre l te fin kite ekip Brescia a ki te tonbe nan Serie B a tou. Balotelli siyen pou yon 3e fwa ak koup Berlusconi-Galliani an, li menm ki te deja siyen ak yo 2 fwa deja nan AC Milan (2013 ak 2015).

Balotelli rejwenn tou 2 ansyen koyekipye l nan Milan, Kevin-Prince Boateng mitan tèren ak Gabriel Paletta defansè santral. Ansanm yo pral batay pou fè ekip Monza a monte nan Serie A, yon rèv dirijan ekip la ap cheri.

Monza aktyèlman 9e nan Serie B a ak 14 pwen nan 10 match, 1 pwen an mwens Chievo Verona ki 8e, dènye plas baraj pou pwomosyon nan Serie A.

Nou swete Balotelli pral ede ekip la atenn objektif li, ak objektif pèsonèl li, li menm ki te konsidere kòm youn nan meyè jwè nan mond lan e ki te gen yon bèl avni pa twò lontan sa.

KÒMANTÈ

Dènye atik yo