Serie B

Rejwenn Parme nan dezyèm divizyon chanpyona Itali a (Serie B) pandan kòmansman sezon an, Gianluigi Buffon rantre pi plis toujou nan listwa. Gadyen italyen an, fas Benevento, samdi ki sot pase a, konnen yon 500èm match san pran gòl nan karyè l. Yon estatistik ekstraòdinè pou ansyen entènasyonal italyen an. Buffon jwe jiskaprezan 951 match depi lè l te kòmanse nan lane 1995 avèk menm ekip Parme lan.

Apre plizyè eksperyans nan Paris Saint-Germain ak Juventus Turin pandan 4 dènye lane yo, Gianluigi Buffon retounen nan klèb fòmatè li, Parme nan mwa jiyè 2021 an. Malgre laj, a 44 lane, ansyen gadyen seleksyon nasyonal Itali a rive enpoze l kòm titilè anba kan ekip pamezàn lan. Depi kòmansman sezon an, Buffon deja jwe 21 match nan chanpyona, avèk 7 ladan yo ki fini san li pa pran gòl. Malgre pèfòmans sa yo, ekip Parme lan twouve l nan trèzyèm plas klasman an nan Serie B italyèn lan.

KÒMANTÈ

Dènye atik yo