Eredivisie

Yon kou di nan istwa Vitesse Arnhem ki wè yon move chapit nan mitan liv istwa l. Aprè yo te fin kalifye pou youn nan konpetisyon ewopeyen yo sezon pase, klèb Lawoland lan ap konnen pi move sezon l.

Akoz yon kriz sou plan finansye ak move rezilta, fòmasyon an pa sispann lite jis ka prezan pou l rete nan D1 peyi Lawoland lan. Men jòn e nwa yo pran yon gwo so lè yo wè responsab komisyon lisans federasyon foutbòl Peyiba (KNVB) retire 18 pwen sou yo.

«Klèb la pa rive satisfè kèk egzijans nan sa ki gen pou wè ak lisans. Sa vle di, Vitesse pa byen prezante chif sèmès li yo. Yo aji yon fason ki pa kòrèk ak bank ING a e ministè ekonomi politik klimatik san nou pa bliye rapò Wladimiroff epi montre si gen lyen ou pa ak Roman Abramovich», se sa klèb la eksplike nan yon kominike ofisyèl yo pibliye.

Ak 2 pwen nan dènye pwent klasman an Vitesse ki rete 3 jounen pou l jwe nan Eredivisie a ap gen pou l evolye nan dezyèm divizyon chanpyona a sezon k ap vini an.

Aprè entènasyonal ayisyen an te fin fè konnen l nan Lig 2 peyi Lafrans lan sa ki te fè Vitesse achte l, Arcus Carlens sou wout pou l desann nan dezyèm divizyon akoz fwod ki genyen bò kote dirijan ekip li a.

KÒMANTÈ

Dènye atik yo