Eredivisie

An deplasman pou jwe 31èm jounen chanpyona Lawoland lan, PSV Eindhoven ki se lidè 68èm edisyon Eredivisie a, al fè yon malè sou Heerenveen nan estad Abe Lenstra Stadion nan ayè Jedi a.

An sante depi nan kòmansman sezon an, Boeren yo kontinye swiv rèv yo san kanpe. 31èm jounen anvan tout bagay fini, klèb De Jong lan fè yon malè pandan li krabinen Heerenveen (0-8) lakay ekip la. Pou patisipe nan masak sa, G. Til 7èm, 30èm, M. Tillman 9èm, 11èm, J. Veerman 44èm, J. Bakayoko 52èm, L. de Jong 71èm, P. van Aanholt 83èm. Se tout jwè ki make pou bay yon 27èm viktwa ak wouj e blan yo sou 31 posib.

Chanpyon depi lane 2018, Eindhoven pati pou leve yon 25èm tit nan chanpyona peyiba. Aprè Feyenoord te fin fè l sezon pase, Lampen yo ap domine tèt klasman an ak 9 pwen an plis ansyen chanpyon yo anvan 3 dènye rankont ki rete pou sezon 2023-2024 la fini.

KÒMANTÈ

Dènye atik yo