Aprè ke Barça te vann PSG Neymar epi ekip Atletico Madrid la jwè Irigweyen an, Luis Suarez , atak Barça sibi anpil chanjman. Pou sezon kap vin la gen anpil non ap site kòm jwè Barça anvi fè vini pou ranfòse atak la.

Si Haaland ta konsidere kòm jwè nimewo 1 ke ekip Barça a anvi fè vini sezon kap vini selon El Mundo Deportivo, enben gen plizyè lot jwè aktyèlman dirijan ekip la ta anvizaje.

Non Kun Agüero ki gen 32 lane kap lib nan fen sezon an ta site nan lis la malgre anpil moun ta panse li ta twò granmoun poul ta bay rezilta fanatik Barça yo espere a, men kiyès ki pa renmen goute kenèp pliske li pap peye pou sa? Koeman ta renmen gen sèvis Lukaku epi Memphis Depay li menm tou kap lib nan fin sezon an.

Lautaro Martinez, jwè sa Barça pat arive poze lapat sou li sezon sa ta toujou nan lis jwè ekip la pote anpil enterè pou jwenn sèvis.

Li rete pou nou swiv kòman sa pral ye pou sezon kap vini. Èske Barça pral kapab pran omwen 2 ou 3 nan atakan sa yo. Paske vrèman Barça ap bezwen yon bon ti Monnen.

KÒMANTÈ

Dènye atik yo