Ekspatriye

Phoenix Rising anonse entènasyonal ayisyen an Carl Fred sainté ki t ap jwe nan FC Dallas, angaje l ak li sou fòm prè pou yon sezon, y ap tann Lig la apwouve l prè a.

«Carl se yon pwofesyonèl, yon lidè ki bay anpil egzanp », se deklarasyon antrenè ekip Phoenix Rising lan ki se Pa-Modou Kah. « li solid nan kapasite l, teknik li , taktik li fè li distenge l. Mwen te pran plezi travay ak li nan Dallas mwen enpasyan pou m wè li pote menm pasyon sa ak devouman pou kapab ede ekip la ranpòte twofe . »

Ansyen jwè Violette la te siyen yon kontra pou de (2) lane ak ekip Dallas la nan lane 2024, li pa kache kontantman l pou montre jan li kontan al kontinye karyè l nan yon lòt ekip.

« Mwen kontan anpil pou m rejwenn Phoenix Rising e pou m franchi nouvèl etap sa nan karyè m. Mwen te admire ekip sa depi plizyè lane, se yon rèv ki vini reyèl pou m jwe pou yon ekip ki gen menm anbisyon avè m, objektif mwen sezon sa se batay deyò ak sou teren pou ede ekip la goumen pou l chanpyon .»

KÒMANTÈ

Dènye atik yo