la Liga

Match an reta ki te konte pou 12èm jounen chanpyona Espay la jwe ayè ant Real Madrid ak Valence. Match an reta sa te rive akoz katastwòf natirèl ki te ravaje vil Valence lan nan kòmansman mwa novanm lan.

Nan match sila ki te jwe lakay ekip Valence lan, Real Madrid difisilman genyen match la nan pratikman dènyè tan match la.

Nan moman match la plizyè bagay ta pral pase sitou bò kote klèb madrilèn lan. Bellingham rate premye penal li pou Real, Vinicius pran premye katon wouj li pou lane 2025 lan, sa yo se kèk nan sa ki te make match la.

Pi gwo bagay ki te make lespri yo ankò se aksyon premye gòl Real Madrid la. Yon jwè 39 lane make premye gòl Real Madrid pou lane 2025 lan.

Aksyon sila te kreye sou yon bon travay jèn mitan tèren anglè Jude Bellingham. Sa ki ta pral pèmèt Luka Modrić 39 lane make premye gòl pou klèb madrilèn lan pou lane 2025 lan.

Youn nan lòt bagay ki entèresan nan match la, se te fòs konbativite Jude Bellingham aprè li fin rate penal la. Anglè a ta pral pran desten match la an men pou leve dezolasyon anpil fanatik te gentan afiche aprè penal la.

Jude Bellingham pral bay yon pas gòl (Luka Modrić) epi make gòl viktwa a nan 96èm minit.

KÒMANTÈ

Dènye atik yo