Relasyon entènasyonal italyen an Ciro Immobile ak ekip Lazio Rome nan bout samdi 13 jiyè a, italyen an kite klèb kapital la pou al enstale l nan ekip Besiktas la ki nan peyi Tiki , li te rive nan ekip Lazio a nan lane 2016 aprè li pa t rive konvenk dirijan ekip Dortmund, li fè 207 gòl nan 340 match sou koulè ekip women an.

Ansyen kapitèn epi meyè bitè ekip Lazio Rome, Ciro Immobile kite klèb italyen an li angaje l ak ekip Besiktas la samdi 13 jiyè 2024 la daprè sa ekip Besiktas la anonse. « gen Yon akò ki jwenn ak jwè a pou de (2) sezon . Li ap resevwa yon salè 6 milyon ewo chak sezon », se konsa klèb la anonse nan yon kominike.

Atakan 34 lane a te pèdi abitit li devan gòl la pou sezon 2023-24 la, li te fè 7 gòl sèlman nan chanpyona a pou sezon an, li te menm pèdi estati titilè li, li te sibi agresyon bò kote fanatik Lazio yo.

Se te youn nan jwè ki te enpòtan nan Euro Itali te ranpòte nan lane 2021 an, n ap raple li jwe 57 fwa pou seleksyon nasyonal peyi Itali a li fè 17 gòl li pa t patisipe nan Euro 2024 la ak Itali.

KÒMANTÈ

Dènye atik yo