Yon feyton ki pran fen aprè plis pase twa lane virewon. Kylian Mbappé siyen nan Real Madrid kote l pral pase 5 pwochen sezon yo daprè sa klèb la anonse jodi lendi an nan yon kominike.

« Real Madrid ak Kylian Mbappé jwenn yon akò kote li ap jwè klèb la pandan 5 lane k ap vini yo », ekri nan kominike Merengue yo ki pibliye sou sit klèb lan e ki pataje sou rezo sosyal yo.

Atakan fransè an ki kite Paris Saint-Germain pandan fen sezon an, pral evolye nan kapital espanyòl la, ki pou li se yon rèv ki vin reyalite. Aprè ofisyalizasyon kontra sa, Kylian Mbappé pa t pran tan pou reyaji.

« Yon rèv ki vin reyalite. Tèlman kontan e fyè pou m rejwenn klèb rèv mwen an, Real Madrid. Pyès moun p ap konprann a ki pwen mwen eksite nan moman an. Mwen enpasyan pou m wè nou, Madridistas yo, e mèsi pou enkwayab soutyen nou. ¡Hala Madrid! », pawòl kapitèn seleksyon Lafrans lan sou rezo sosyal yo.

Après AS Monaco ak Paris Saint-Germain, Kylian Mbappé, ki siyen ak Real Madrid pou jiska 2029, pral genyen pou dekouvri yon twazyèm klèb nan karyè pwofesyonèl li. Atakan fransè an ta pral kite klèb parizyen an gratis ti cheri.

KÒMANTÈ

Dènye atik yo