Aprè Kylian Mbappé se tou pa Endrick ki resevwa akèy fanatik Real Madrid yo nan estad Santiago Bernabéu a nan okazyon pezantasyon l kòm nouvo jwè klèb blan samdi 27 jiyè a. Prezidan ekip la Florentino Pérez te bay mo byenvini ak jwè a.

« Mwen pa gen mo pou m di kisa mwen santi », se kòmansman deklarasyon brezilyen an ki te pran pawòl pandan dlo t ap koule nan je l menm jan ak paran l yo, pandan vwa li t ap tranble li ajoute: « Mwen kontan anpil paske depi lè m te timoun mwen te reve jwe nan Real Madrid, e sa rive fèt ».

Florentino Perez te deklare: « gran fanmi sa pral ba w tout bagay e fòk ou konnen w ap fè sa pou li tou, ou pral fè fas ak gwo defi nan lavi w, jodia istwa w kòmanse nan klèb lavi w la. Tout felisitasyon , Byenvini nan nouvo kay ou ».

Anvan prezantasyon li devan fanatik yo, jèn bitè 18 lane a te pase vizit medikal li epi siyen kontra pou 6 lane ki ap vini, Endrick pral pote nimewo 16 nan ekip la.

Anpil fanatik ap tann machandiz li pral delivre a, nan de(2) lane li pase nan chanpyona brezilyen an Endrick vini pi jèn bitè istwa chanpyona a, li se pi jèn jwè ki konvoke ak seleksyon Brezil la Aprè Ronaldo.

KÒMANTÈ

Dènye atik yo