Ayè vandredi a, sou kont Facebook li, ekip Colorado Springs Switchbacks FC a siyen entènasyonal ayisyen an pou sezon 2024 k ap vini la. Jwè 24 lane a chanje klèb men li toujou nan lakou peyi Etazini.

Byen bonè ayè vandredi a, Colorado Springs Switchbacks FC, ki se yon klèb USL Championship, prete Ronaldo Damus pou yon lane nan men ekip GIF Sundsvall, nan peyi Lasyèd.

Poutan, pandan sezon 2023 a, klèb syedwa a te prete atakan ayisyen an bay San Diego Loyal SC. Nan lane sa, li pote koulè mayo ekip la pandan plis pase 30 match, pou yon bilan 15 gòl ak 2 pas gòl.

USL Championship lan se yon chanpyona Ronaldo Damus konnen byen lè n sonje li ranpòte l deja ak Orange County SC an 2021 lè sa pou 31 match li te fè 18 gòl ak bay 3 pas.

Poko gen kòmantè sou atik sa. Fè premye a.

KÒMANTÈ

Dènye atik yo