Premier League

Pep Guardiola, antrenè Manchester City, te fè konnen lavni Kevin De Bruyne, ki genyen kontra l ki ap fini nan mwa jen 2025 lan, se yon desizyon ki depann de klèb la e pa de li menm. Malgre kèk pwoblèm fizik ki te limite jwè a nan denye lane yo, Guardiola te soulinye enpòtans De Bruyne nan ekip la lè l pa blese.

Pep Guardiola pale klè sou lavni Kevin De Bruyne nan Manchester City. Li te deklare se klèb la ki dwe pran desizyon sou kontra jwè a ki ap ekspire nan fen sezon sa a. Sepandan, li souliye De Bruyne toujou yon jwè esansyèl, malgre kèk difikilte fizik li te rankontre.

Kevin De Bruyne, ki fèt 28 jen 1991, genyen 33 lane jodi a. Manchester City te anonse siyati li 30 dawout 2015, yon kontra si lane, ak yon montan rekò 75 milyon ewo sa ki te fè li youn nan pi gwo transfè nan istwa klèb la.

Depi lè sa, De Bruyne te vini yon jwè kle pou ekip la, men pandan de (2) dènye lane yo, li te fè fas ak pwoblèm fizik ak blesi ki te limite kantite tan li genyen sou teren an. Guardiola, menm si li fè konnen se pa li ki pral pran desizyon sa, li pale sou enpòtans De Bruyne pou ekip la. Li te di: « Lè li an fòm, li esansyèl pou nou, » sa ki montre kijan li genyen konfyans nan kapasite bèlj la.

Kòm sezon an ap kontinye, lavni De Bruyne ap depann de evolisyon Manchester City sou pèfòmans li nan mwa k ap vini yo. Guardiola fè konnen desizyon sou kontra a se yon chwa ki dwe fèt pa klèb la, men tout moun ap swiv pou wè si De Bruyne ap rete fè pati avni Manchester City.

KÒMANTÈ

Denye atik yo