Caribbean Cup

Fas ak AS Port of Spain, Ouanaminthe FC reyisi sove yon match nil (1-1) pou premye sòti l nan Concacaf Caribbean Cup la.

Gras ak Wilinx Joseph moun plis konnen sou non Dewoule, nan 54èm minit, Ouanaminthe FC ta pral egalize fas klèb trinidadyen an ki te ouvè eskò a nan premye mitan an.

Klèb ayisyen an ki t ap resevwa match sa an Repiblik Dominikèn nan stad Cibao FC, sòti avèk yon grenn pwen, menm jan ak AS Port of Spain ki sòti nan peyi Trinidad.

Pwochen match yo se pral 18 septanm kont ekip dominiken an, Moca FC.

KÒMANTÈ

Atik Popilè