la Liga

Nan kad match anreta 12èm jounen Liga a, Real Madrid te deplase sou tèren Valence kote l bat (2-1) ki tou fè yo pran tèt klasman an pwovizwaman.

Klase nan 19èm plas klasman an, ekip Valence lan manke kreye yon sipriz kont youn nan pi bon ekip ki genyen nan Liga a sezon sa. Ekip Valence lan ki te fè yon bon monte sou Real Madrid nan premyè mitan an ki te menm rann yo ouvè eskò match la (1-0) gras avèk H. Duro nan 27èm minit, sa te rann tou de klèb yo rantre nan vestyè a ak eskò sila.

Nan dezyèm mitan an, ekip Valence lan te toujou rete ak menm nivo a kote yo pa kite yo jwenn do yo, men nan 55èm minit match la, Kylian Mbappé ta pral pwovoke yon penalite, Jude Bellingham ta pral rate l e 5 minit aprè, Kylian Mbappé te jwenn yon gòl, men abit la te bay òje sou aksyon an. Ekip Madrid la ta pral nan cho nan match la kote nan 79èm minit, Vinicius Junior ta pral pran yon katon wouj aprè yon kou l te fin bay gadyen Valence lan. Luka Modrić ki te rantre nan match la te jwenn gòl (1-1) an nan 85èm minit sou yon pas Bellingham fè, nan tan adisyonèl, Jude Bellingham te bay gòl (2-1) an nan 90+5 ki rann yo fè viktwa difisil sa nan match lan.

Hugo Duro fini pi bon jwè match la.

KÒMANTÈ

Dènye atik yo