Soccer Etazini

S iw tande moun Etazini ap pale yo di foutbòl, gen anpil chans pou se pa de jwèt nou renmen anpil la yap pale. Anfèt, ameriken yo itilize "Soccer" pou foutbòl nou an epi yo kenbe foutbòl la pou foutbòl ameriken, spò ki pi popilè nan peyi a.

Federasyon Etazini an te fonde an 1913 ak non "United States Football Association" e yo te rejwenn FIFA kòm manm pèmanan an 1914. Akoz popilarite foutbòl ameriken an, ki vin pi plis toujou grasa chanpyona nan inivèsite yo, yo te ajoute Soccer nan non dederasyon an pou fè diferans lan (United States Soccer Football Association). An 1974, toujou akoz popilarite mo 'football' la ozetazini ki refere yon lòt spò diferan, yo retiren mo an non federasyon an nèt (United States Soccer Association).

Etazini te patisipe nan 2 premye Mondyal yo 1930 ak 1934. Yo te envite yo an 1930 e yo te kalifye pou dezyèm edisyon an 1934 kote yo te rive 3e. Twazyèm plas sa se pi bon rekò yo genyen nan Mondyal maskilen. Nan kategori fanm, Etazini se yon pisans nan foutbòl (soccer). Medam yo pran 4 Modyal (2019 dènye a), 4 Je Olenmpink (2012 dènye a) deja.

Jodi a nan foutbòl gason, Etazini gen yon piramid ak 4 dizisyon san monte ni desann. Premye divizyon an rele Major Soccer League (MLS), yon ekip dwe rankontre ak dirijan chanpyona a, montre mwayen ekonomik li epi chache yon vil li kap gen fanatik avan yo entegrel nan MLS la. Aktyèlman genyen 26 ekip ldanl . Dezyèm Divizyon an rele United Soccer League Championship (USL tou kout), li gen 35 ekip. Se yon konbinezon ant ekip ki te nan North American Soccer League (ki te 2zyèm divizyon anvan l te fè fayit) ak ekip B kèk ekip nan MLS la ki konpetitif (yo 6). Twazyèm divizyon an ki se USL League One se yon konbinezon ekip B MLS ak ekip semi pwofesyonèl, li gen 12 ekip.

Kontreman ak twa premye yo, katriyèm divizyon nan piramid la pa gen yon sèl òganizasyon. Yo gen plizyè chanpyona, rejyonal ak nasyonal. Sa ki pi popilè a se National Premier Soccer League (NPSL) ki jwe sou tout teritwa Etazini an yo kòmanse depi Fevriye pou yo fini an Desanm, men tout konferans pa kòmanse menm lè. Yo gen 94 ekip ki jwen nan 14 konferans epi 4 rejyon jewografik.

Malgre soccer feminen an fè plis siksè entènasyonal, Etazini gen yon sèl divizyon ladanl: National Women Soccer League (NWSL). Li gen 9 ekip. Sepandan, li atire anpil jwè etranje e li se youn nan chapyona fanm ki pi wo nivo an mond lan. An 2019, yo te bay 58 jwè nan 11 ekip ki te nan Modyal fanm nan. E tout jwè ekip Etazini an ki te chanpyon an tap jwe nan NWSL la.

KÒMANTÈ

Atik Popilè