NEYMAR: PSG dwe pran Ligue des Champions sa

J ounen 3 Dawout la te make 3zan depi Neymar te kite Barcelone e prezante ofisyèlman a piblik Parcs des Princes lan kòm nouvo jwè ekip PSG an pou 222 milyon Ewo. Nan yon piblikasyon li fè sou sit entènèt ofisyèl li,Neymar pale de sal reyalize ak ekip la ak anbisyon li pou fen sezon an.

"Nan epòk sa la mwen ap viv pi bon moman  mwen nan PSG"

Ak 74 gòl li deja make pou selman 85 match li jwe, e sitou 9 twofe kel deja genyen ak ekip la, Neymar gen yon bilan ki ta ka fè tout fanatik boul plezi, menmsi sa tout moun ap tann nan men li a se rive pran Ligue des Champions ak ekip la. Nan mesaj li pibliye a li fè konnen  : _"3 dènyè ane sa yo mwen fè anpil gran eksperyans. Mwen viv bon moman, konsa mwen viv moman konplike tou, sitou lèm blese. Gras ak lòt jwè yo, mwen rive depase tout move moman sa yo, e rive konsantrem sou sak konte plis pou mwen nan mond lan ;ki se byen jwe e fè ekip mwen genyen. Tout fanatik ka wè sa nan fason nou jwe chak match nou yo"_

_"Nan epok sa la map viv pi bon moman mw nan PSG. Ekip la soude, e nou tout jwè yo gen menm objektif la : PRAN LDC AN. Nou vle make sezon sa. Nou lage tout nou menm nan batay la, pa gen woutpabwa sezon sa nou dwe pranl paske se premye fwa chimen an klè konsa devan nou"._

Akoz kriz koronaviris la ki te fè foutbòl kanpe an'Ewòp pandan anviwon 3 mwa, federasyon kap jere zafè Ligue des Champions an te oblije chanje fòma a. Apati de kadefinal yo, olye se 2, se yon sèl match k ap jwe pou detèmine kalifye pou pwochen faz la. Epi yo tou fè yon tiraj konplè pou di ki pwobab advèsè chak ekip ka jwenn jiska gran final la. 

San manke respè a lòt ekip yo, pou PSG se yon gran boulva. Apre Atalanta ekip Neymar la ap gen pou kontrekòn ak li nan kadefinal, li posib pou li jwenn Atletico Madrid ou RB Leipzig nan demifinal. Se sèlman nan final yo ka rive jwe fas ak yon ekip ki genyen twofe LDC an deja.

KÒMANTÈ

Atik Popilè