Seksyon fanm ekip Real Madrid la se dezyèm peyi nan peyi Lespay ki prezan nan Ligue des Champions medam yo.
Medam merenge yo twouve yo nan gwoup B a, yo genyen kòm advèsè Chelsea, Celtic ak FC Twente.
Aprè yo fin kase dan yo nan premye match yo nan konpetisyon an kont Chelsea (3:2), medam madrilèn yo reveye yo sou ekip Celtic la.
Yo maltrete ekip Celtic la 4-0 gras ak 4 bitè diferan. Entènasyonal ekosèz la Caroline Weir te ouvri eskò a depi nan 7èm minit match la. Aprè l Signe Bruun (dànwaz 26 lane), Caroline Møller (dànwaz 25 lane) ak Linda Caicedo (kolonbyèn 19 lane) ta pral make lòt gòl yo.
Medam Real Madrid yo aprè 2 jounen pran premye 3 pwen yo nan Ligue des Champions medam yo.
Poko gen kòmantè sou atik sa. Fè premye a.
Pa rate nouvèl ak analiz sou foutbòl an Kreyòl gras ak nou