PremierLeague

Manchester City fè viktwa pandan Tottenham tonbe lakay li. Liverpool byen pase, Nottingham Forest pran bwa kale.

Chanpyona premye divizyon anglè a ap rapouswiv. Week-end sa a se te 23èm jounen an ki t ap jwe.



23èm jounen an te pote anpil bèl match tankou Chelsea ki te an deplasman kay Manchester City, Arsenal vs Wolverhampton, Liverpool kont Ipswich, Manchester United kont Fulham, Tottenham te twoke kòn li ak Leicester.



Pou chòk jounen sa a, Mancheter City bat Chelsea 3-1. Yon match Blues lonn yo te ouvri eskò depi nan 5èm minit. Men yo ta pral malerezman pèdi l.



Sipriz ki te genyen nan jounen sa a. Se gwo viktwa Bournemooth sou ekip Nottingham Forest la (5-0). Nan match sa Dango Ouattara make yon triple epi vini premye boukinabè ki make yon triple nan Premier League la.



Gunners yo bò kote pa yo fè yon viktwa malgre yon match ki te genyen anpil mouvman kont ekip Wolverhampton lan (1-0). Nan match sa a tou 2 ekip yo pran yon katon wouj.



Kanta pou Spurs yo. Tottenham kontinye ap konnen yon kriz san parèy. Yo tonbe lakay yo kont ekip Leicester a (1-2). Fanatik Spurs yo ki te fache te sòti yon bandwòl kote yo te make " 24 lane, 16 antrenè, yon sèl twofe". Yon siy pou montre kòman yo fristre sou sitiyasyon klèb la.



Kote Reds Devils yo, yo fè yon bèl viktwa kont ekip Fulham lan (1-0). Sa ki mete yo nan 12èm plas klasman an.



Kantan pou Liverpool ki ap mennen tèt chanpyona a yo te malmennen Ipswich ki apèn monte nan Premier League la 4-1.



Klasman an:

Liverpool devan ak 53 pwen plis yon match an reta, Arsenal deyè l ak 47 pwen. Nottingham Forest nan twazyèm plas la ak 44 pwen. Manchester City monte nan 4èm plas la ak 41 pwen. Kanta pou Chelsea li 6èm ak 40 pwen. Tottenham 15èm ak 24 pwen. Southampton nan dènye plas la ak 6 pwen sèlman.

KÒMANTÈ

Dènye atik yo