Mondyal

IFAB se youn nan enstans ki responsab zafè lwa nan jwèt foutbòl la.

Selon IFAB (International Football Association Board), yon match foutbòl dire 2 mitan 45 minit yo chak. Sa ki vin bay yon kantite 90 minit selon lwa 7.1 FA . Selon menm règ sa a match la ka dire mwens pase 90 minit men se nan yon akò ant abit la ak 2 klèb yo.

Nan mitan 45 minit yo, lwa 7.2 FA a mete yon peryòd 15 minit kòm poz . Sa ki pral divize 90 minit lan an 2 mitan 45 minit. Selon règ sa, yo paka ajoute yon grenn minit sou 15 minit poz la san akò abit match la.

Èske yon abit gendwa pwolonje tan yon match?
Selon lwa 7.3 a ki pale sou koze sa, li bay otorizasyon ak abit la pou li ajoute nan tan match la. Sa ki ap vin ajoute kòm tan adisyonèl ki pral bay akoz tan ranplasman, tan blese, tout mannèv jwè fè pou pèdi tan, sanksyon pou disiplin ak divès lòt bagay ki te koz match la kanpe.

Tan pwolongasyon an se yon peryòd 30 minit ki divize an 2 pati 15 minit pou depataje 2 ekip. Si pwolongasyon an toujou kenbe ekip yo a egalite, yo pral rive nan yon seyans penalite.

Finalman yon match foutbòl dire 90minit. Tan pwologasyon an pa fè pati match foutbòl la. Egzanp match retou Real Madrid vs Real Sociedad la te fini 3-4. Tan pwologasyon an se pou depataje 2 ekip yo ki te genyen kimilasyon gòl ki egal (4-4) ant match ale ak match retou a. Gòl ki fèt nan tan pwolongasyon yo pa fè pati match la men pito tan pataj la. Sa vle di nenpòt jan yon match foutbòl dire ofisyèlman 90 minit.

KÒMANTÈ

Dènye atik yo