PremyeDivizyon

Zòn Latibonit la ap prepare l pou demare 3èm jounen chanpyona nasyonal espesyal la.

Zòn sila a ki genyen 3 ekip ladann, jiska prezan ap byen pase nan konpetisyon an. Baltimore SC, Tempête FC ak Triomphe AC se 3 klèb ki reprezante zòn sa.

Pou 3èm jounen an, Tempête FC ki te deplase kay Triomphe AC pou premye jounen an, fwa sa ap resevwa klèb Lyankou a. Pou premye match la 2 ekip yo te fè 1-1 fwa sa youn pral chache demake lòt si yo vle pwogrese nan klasman yo a. Match sila a ap fèt dimanch 6 avril la nan pak Antoine Levelte nan Senmak nan lè 5è aprèmidi. Thelusma Pierre Noel se pral abit prensipal match sa a.

Kanta pou Baltimore SC, bèl kolonn yo ap jwe mèkredi 9 avril la kont ekip Triomphe AC a nan lè 5è nan pak Antoine Levelte la. Charmat Alcide se non abit ki pral dirije rankont sa a.

N ap raple Baltimore SC domine klasman gwoup Latibonit la ak 4 pwen devan Triomphe ki genyen yon sèl pwen ak Tempête ki genyen 2 pwen.

Telechaje aplikasyon GolAyiti a sou Appstore ak Playstore pou w ka genyen kontwòl kòman chanpyona a ap dewoule, klasman, eskò, elatriye...

KÒMANTÈ

Dènye atik yo