PremyeDivizyon

Zòn Latibonit la genyen 3 ekip ki reprezante l nan dezyèm edisyon Chanpyona Nasyonal Espesyal la.

Chanpyona nasyonal espesyal la sou dezyèm edisyon l. Li demare wikenn 23 mas la akoz premye wikenn 16 mas la pa t kenbe akoz pwoblèm abit.

Sou liy pa Latibonit lan se Baltimore SC, Tempête FC ak Triomphe AC ki reprezante l. Kanta pou AS Mirbalais yo te retire kò yo nan koze sa a.

CNE a sou dezyèm jounen l, ekip Latibonit ap woule boul san kanpe. Zòn sa se yo ki mwens fè gòl nan chanpyona a. Twa ekip yo ansanm fè yon total 5 gòl, aprè yo se zòn Lwès la ki fè 7gòl. Zòn nò a ki li menm genyen plis ekip nan chanpyona a (4) gentan make 10 gòl.

FICA se sèl ekip ki genyen 6pwen nan chanpyona a apre 2 sòti yo. Pou 2 sòti yo FICA make 4 gòl li pran yon sèl.

Pou zòn Latibonit lan, Baltimore SC se chèf twonbòn lan. Bèl Kolòn yo genyen yon total 4 pwen aprè 2 sòti. Yo fè yon viktwa kont Triomphe AC , epi yon match nil kont Tempête FC. Kanta pou ekip Triomphe AC a se yo ki pi mal klase nan zòn lan aprè 2 jounen. Yo fè yon match nil epi yo fè yon defèt. Yo an dènye nan do Tempête ki li menm fè 2 match nil.

Telechaje aplikasyon GolAyiti a sou Appstore ak Playstore pou w ka genyen kontwòl kòman chanpyona a ap dewoule, klasman, eskò, elatriye...

KÒMANTÈ

Dènye atik yo