PremyeDivizyon

Chanpyona nasyonal espesyal la sou dezyèm jounen l depi li kòmanse nan dat 23 mas pase a.

Plizyè ekip kòmanse montre fòs yo, pandan plen lòt ki pa sou anyen. Konpetisyon an genyen 16 ekip ki pataje nan 4 gwoup (Zòn nò, Latibonit, Zòn Lwès ak zòn Sid).

Aprè 2 jounen gen yon kantite 29 gòl ki make nan chanpyona a. Ekip Racing Club Haitien an se ekip ki pi mal nan tout klasman yo konbine.

Ekip Racing CH an gentan pran 5 gòl nan chanpyona a san li pa bay youn. Sa ki fè li se ekip ki pi mal ni nan defans ni nan atak. Anyen poko mache pou ekip la.

Dezyèm ekip la se Ouanaminthe FC, pwoteje Ernst Bazil yo bò kote pa yo pran 2 defèt nan gwoup Nò a. Yo ankese 4 gòl yo make yon sèl. Willinx Joseph se sèl bitè ekip la aprè 2 jounen nan chanpyona a.

Ekip Racing CH an ak Ouanaminthe FC genyen travay pou yo fè pou rès konpetisyon an pa pase mal pou yo.

Telechaje aplikasyon GolAyiti a sou Appstore ak Playstore pou w ka genyen kontwòl kòman chanpyona a ap dewoule, klasman, eskò, elatriye...

KÒMANTÈ

Dènye atik yo