PremyeDivizyon

Nan depatman lwès peyi nou, toujou genyen sa yo rele match chòk nan chanpyona ayisyen an. Anpil fwa se konn Don Bosco fas Violette, li konn Aigle Noir fas Racing. Men ayè dimanch lan, se te Racing club Haïtien ki t ap tire pwen ak Violette AC sou tèren Sainte-Thérèse.

Nan depatman lwès peyi nou, toujou genyen sa yo rele match chòk nan chanpyona ayisyen an. Anpil fwa se konn Don Bosco fas Violette, li konn Aigle Noir fas Racing. Men ayè dimanch lan, se te Racing club Haïtien ki t ap tire pwen ak Violette AC sou tèren Sainte-Thérèse.

Avèk prezans youn nan meyè talan komin kanperen an genyen nan moman nan lis Violette la, ekip la te dispite dezyèm match li fas pi gwo rival li nan chanpyona nasyonal la. Gras ak Roberto Jean 49èm epi pwisan talan vye Tig yo, Elyvens Dejean 55èm e 63èm minit Violette chavire Racing (3-0) pou premye match yo.

Marcier Marc Clovens ki se ti moun komin kanperen jwenn konvokasyon pou premye fwa nan lis Violette AC a. Aprè ti pwoblèm ki te genyen avèk klèb America a ki te sòti pou anpeche jwè a jwenn libète pou jwe ak klèb pòtoprens lan, Clovens rive jwenn libète pou fè talan l pale pou li.

Nan viktwa vye Tig yo fè sou vye Lyon yo, kanperinwa a te antre nan dezyèm peryòd match la pou pote ranfò anndan tèren ble e blan yo epi ede yo jere eskò a. Gras ak ti tan sa ansyen jwè America a fè a, li deja franchi yon etap ki pou pèmèt li genyen espwa pou kòmanse match nan lòt jounen yo.

KÒMANTÈ

Dènye atik yo