Lòt

Rèv tout jèn foutbolè se monte nan piwo nivo a epi evolye nan yon klèb pwofesyonèl ki genyen non. Pou Alce Sterling, yon talan ki pwomèt anpil, rèv sa vin yon reyalite lè li genyen opòtinite pou pran konsèy manadjè Ganer Augustin tout moun konnen sou non antrenè "kana" pou patisipe nan yon staj foutbòl avèk America des Cayes. Staj sa te rete youn nan meyè eksperyans e yon moman enpòtan nan karyè li.

Rèv tout jèn foutbolè se monte nan piwo nivo a epi evolye nan yon klèb pwofesyonèl ki genyen non. Pou Alce Sterling, yon talan ki pwomèt anpil, rèv sa vin yon reyalite lè li genyen opòtinite pou pran konsèy manadjè Ganer Augustin tout moun konnen sou non antrenè "kana" pou patisipe nan yon staj foutbòl avèk America des Cayes. Staj sa te rete youn nan meyè eksperyans e yon moman enpòtan nan karyè li.

Kiyès Alce Sterling ye?

Alce Sterling, se yon jèn ayisyen ki fèt nan depatman Sid peyi dayiti (Kavayon). 23 lane se laj jèn talan sa ki grandi ak yon lanmou pou foutbòl, li ap viv youn nan pi gwo rèv li te genyen ki se jwe nan youn nan meyè klèb depatman an genyen yo.

Jounen jodi a, talan sa ki fè disiplin sa tounen yon zouti pou li kapab kite bèl èv, konnen yon pakou nan plizyè chanpyona ki fè li jwenn posiblite entegre klèb America a jounen jodi a. Aprè plizyè lane ap distrè li nan jwe ti foutbòl katye, Alce rive grenpe nan echèl la jis li te jwenn posiblite pou ede ekip blòk lakay li nan chanpyona vakans.

Nan lane 2018, li te kòmanse jwe ak ekip Standard ki se yon klèb 3èm divizyon e li te lidè konfrè li yo. Avèk menm ekip sa, jèn nan ki sòti nan komin kavayon an te jwe yon demifinal fas America nan chanpyona ki te batize relansman Gabion. Lè sa, koyekipye li yo avèk li te tonbe fas klèb kayen an (1-0).

Avèk menm ekip sa nan lane 2023, Sterling te patisipe nan Koup gran sid la. Fwa sa, ekip li a te genyen chans rive nan final malerezman yo te pèdi nan penalite. Nan chanpyona sa yo, jèn milye tèren kayen an, te genyen chans fini meyè jwè match yo pandan 2 fwa. Youn kont Cavaly epi nan rankont fas ekip Kanperen an ki yo menm tou, te patisipe nan konpetisyon sa yo.

Pou demaraj chanpyona nasyonal espesyal la, aprè antrenè Kana te fin ankouraje li pou rejwenn klèb America a, Alce pa t fè tèt di kote li te aksepte pran chans li pou reyalize yon pati nan rèv li genyen kòm foutbolè.

Gras ak pèfomans li nan antrènman, Kòlòs yo kite pòt la ouvri pou li kapab antre nan efektif ekip lan depi lane pase. Pou sezon sa, li deja reprann antrènman ak koyekipye li yo pou lanse konpetisyon 2025 lan. E demen jedi a, klèb America football club des Cayes la ap resevwa ekip Cavaly A.S sou tèren Land des Gabions an. Klèb Leyogàn lan ki jwe premye rankont li te konnen yon defèt (2-3) lakay lo fas Juventus des Cayes.

Alce Sterling te reponn yon kesyon sou objektif li genyen kòm foutbolè konsa:"Objektif mwen se pou mwen rive konvenk antrenè klèb la ak tout estaf la. Pou m vini yon pyon enpòtan anndan ekip America a aprè mwen vle viv lòt pati nan rèv mwen an ki se pote koulè seleksyon nasyonal la. Konsa mwen ap kontan paske se rèv mwen depi tou piti".

Li te fini pou li di:" mwen remèsye antrenè mwen Bien-Aime Sherlin ki pèmèt mwen franchi etap sa nan foutbòl la".

Li rete kounya pou Alce Sterling jwenn konvokasyon pou jwe premye match ofisyèl li ak klèb Kòlòs la.

KÒMANTÈ

Dènye atik yo