CopaDelRey

Pami 4 ekip ki prezan nan kare sa, genyen 3 pi gwo klèb ki ap mennen chanpyona Espay la (Real, ATM ak Barça). Katriyèm ekip la se Real Sociedad.

Tiraj pou konnen ki ekip ki pral kontre nan demifinal Copa del Rey la fèt jodi a nan peyi Espay.



Pami 4 ekip ki prezan nan kare sa, genyen 3 pi gwo klèb ki ap mennen chanpyona Espay la (Real, ATM ak Barça). Katriyèm ekip la se Real Sociedad.



Nan okazyon Tiraj sa, ekip Hansi Flick la tonbe sou Atletico Madrid ki genyen nan tèt li Simeone. Pou sezon sa se pral dezyèm rankont 2 ekip sa yo. Atletico te deja genyen rezon sou Barcelone (1-2) nan Liga a lakay ekip Catalan lan ankò.



Fwa sa a se nan Copa del Rey la 2 ekip yo pral twoke kòn yo. N ap raple match sa se yon doub konfwontasyon. Se pral yon match ale ak retou.



Ekip ki ap resevwa anvan an se Barcelone. Match sa ap jwe nan dat 26 fevriye ki ap vini la. Match retou a ap fèt lakay ekip Atletico a nan dat 2 Avril.



Dènye fwa Barcelone te jwe kont Atletico nan Copa del Rey, ATM te bat yo 3-2. Match sa te jwe nan dat 9 janvye 2020.



Nan 10 dènye match ant de ekip sa yo, Barcelone bat Atletico 5 fwa deja, Atletico bat Barcelone 3 fwa epi yo fè 2 match nil.

KÒMANTÈ

Dènye atik yo