LaLiga

Abit prensipal match Real Madrid vs Osasuna a p ap nan match wikenn sa pou rezon sekirite

Munuera Montero te abit prensipal match 24èm jounen Real Madrid te jwe fas ekip Osasuna wikenn pase a, yon match ki te fini 1-1, anpil kritik t al jwenn abit la pou jan li te jere match la ,Nan 8èm minit Real Madrid te reklame yon penal pou yon fot ki te fèt sou Vinicius, Abit la pa t pran okenn desizyon ni Var pa t aji. Komite teknik Abit espanyòl yo anonse mesye Munuera Montero p ap nan match wikenn sa.



Te genyen 3 lòt aksyon ki te pase nan match la, pami yo de (2) balon ki te touche nan men, epi yon lòt aksyon kote te genyen kontak ak Vinicius. Manman koze a menm se katon wouj Jude Bellingham sa ki ta pral deklanche anpil kontestasyon.



Anglè a te pran yon katon wouj dirèk paske l te di yon mo ki petèt sanble « fuck you » selon Carlo Ancelotti abit la te mal entèprete mo a.



« li pa konprann anglè byen ,Se te ‘fuck off’, men se pa ‘fuck you’. Li twonpe », se antrenè ekip Real Madrid la li t ap eksplike sa nan konferans pou laprès aprè match la, yon mal entèpretasyon ki pini Real Madrid selon pwòch ekip la.



Fas ak anpil kritik ki genyen aprè match la epi menas Munuera Montero resevwa, Federasyon espanyòl ak komite abitral la, te pran pawòl pou defann abit la selon Revelo.



« Abit pwofesyonèl yo swete eksprime pwofon endinyasyon yo, fas ak atak epi menas kòlèg nou ap resevwa », se sa nou rive li nan yon kominike ofisyèl. Abit la te resevwa anpil menas lanmò sou rezo sosyo yo, sa te menm pouse l dezaktive pati kòmantè kont Instagram li e sa ki te pouse komite a aji.



Non abit la ki pa nan match wikenn nan pa sanksyone daprè enfòmasyon Relevo, kontrèman ak ka pa Muñiz Ruiz oubyen pa García Verdura, CTA pa ofisyalize yon sanksyon.



Chwa pou abit Munuera Montero pa nan match wikenn sa se plis yon mezi pwoteksyon olye de yon sanksyon. N ap raple Abit la te toujou nan match chak wikenn depi nan kòmansman sezon an.

KÒMANTÈ

Dènye atik yo