LaLiga

Real Madrid TV, yon chèn televizyon Real Madrid di si yo te kapab yo tap kite chanpyona espay la.

Dezyèm dèbi madrilèn nan Liga espanyòl la jwe ayè samdi 8 fevriye 2025 lan. Match sila fini 1-1 ant de ekip yo.



Men nan premye gòl la ki vini sou yon fot nan kare Real Tchouameni fè sou yon jwè Atletico, abit la aprè kèk segond konfime nan VAR epi bay penalite pou Atletico. Yon penalite Julian Alvarez lage nan fon filè pou te pèmèt ATM mennen 1-0 nan match la.



Desizyon sa a pral eksploze mekontantman dirijan ak kèk fanatik Real Madrid ki jije abit la pa t dwe bay penalite.



Aprè match la, jounalis te kesyone antrenè Real Madrid la sou penalite a, li te reponn konsa " Non pa mande m sa a, mwen pa vle pale de sa. Moun ki konn foutbòl pa konprann penalite sa yo. Penalite aswè a kont nou an, ni sa nan match Atletico-Girona pase a".



Jounalis yo ki te an dout sou penalite a tou, te poze defansè lateral dwat Real la Lucas Vazquez kesyon tou sou penalite a, men Vazquez te reponn konsa "Si m pale, mwen pral gen pwoblèm".



Direksyon Real Madrid la li menm pou fè santi yo pa kontan, yo fè chèn televizyon yo an REAL Madrid TV pibliye yon videyo sou plizyè erè abit la fè nan match la. Chèn televizyon an fè konnen "penalite a se yon blag. Genlè yo prefere afwonte abit yo olye advèsè yo". Yo kontinye pou fè konnen "Si yo te ka pran desizyon pou kont yo pou kite tèren an, yo t ap fè l epi yo t ap sispann jwe nan chanpyona sa a, Liga negria koronpi sa "



Nan menm dosye penalite sa genyen yon konvèsasyon ant abit prensipal la ak VAR ki pran lari. Nan konvèsasyon an, abit prensipal la tel ap mande plis imaj pou jije aksyon an, men malgre VAR yo te di yo pa gen plis imaj. Abit la te di li pral sifle penalite e ekip VAR yo te dakò avè l.

KÒMANTÈ

Dènye atik yo