Lòt

Gwo eskandal nan match Galatasaray kont Adana Demispor a nan chanpyona Tiki a.

Nan kad 23èm jounen chanpyona peyi Tiki a, yon eskandal pete aprè Duckens Nazon te fin sove klèb li nan menm jounen sa.



Eskandal sa pete nan yon match Galatasaray t ap jwe kont ekip Adana Demispor la aprè abit la fin bay yon penalite nan avantaj ekip Galatasaray la.



Malgre penalite a te gentan transfòme pa Morata ki apèn siyen nan ekip Galatasaray la, aprè kèk minit antrenè Adana Demispor a Mustafa Alper fè tout jwè yo desann tèren an nan lide pou konteste desizyon abit la (Oguzhan Çakir).



Aprè ensidan sa te genyen yon reyinyon ant dirijan 2 klèb yo ak dirijan federasyon an sou sa k pase a. Aprè anviwon 25 minit, abit prensipal la anonse nan mikwo estad la yo deside abandone match la pou yon lòt lè.



Pandan tan sa federasyon an ak dirijan 2 klèb yo pral chita pale pou fikse yo nouvo dat pou match la epi pran desizyon sou sa k pase a.



N ap rapple depi lè José Mourinho rive nan tèt ekip Fenerbahçe a nan chanpyona sa, li toujou ap di kòman kò abitral la kowonpi.

KÒMANTÈ

Dènye atik yo